Athygli ráðstefnur

Skip to content

Fréttir

Evrópuhátíð – Ókeypis tónleikar með European Jazz Orchestra og Stórsveit Reykjavíkur 13. maí

Evrópuhátíð – Ókeypis tónleikar með European Jazz Orchestra og Stórsveit Reykjavíkur

13. maí.

Í tilefni af Evrópudeginum 9. maí skipuleggur Evrópustofa viðburðaríka Evrópuviku.

Evrópuvikunni lýkur með stórtónleikum í Eldborgarsal Hörpu, sunnudaginn 13. maí þegar hinar frábæru hljómsveitir European Jazz Orchestra og Stórsveit Reykjavíkur stíga á svið. Ókeypis aðgangur en bóka þarf miða hér.

European Jazz Orchestra er stórsveit hæfileikaríks ungs tónlistarfólks sem kemur víðs vegar að úr Evrópu og fer í árlegar tónleikaferðir undir merkjum dönsku samtakanna Swinging Europe og Evrópusamtaka útvarpsstöðva með stuðningi frá Evrópusambandinu.

European Jazz Orchestra er í raun einstakt verkefni í stöðugri mótun. Ár hvert kynnir hljómsveitin til leiks nýja tónlistarmenn, ný tónverk eftir fremstu tónskáld Evrópu, nýjan hljómsveitarstjóra og nýja efnisskrá.

Hljómsveitarmeðlimirnir eru valdir úr hópi hæfileikaríkasta djasstónlistarfólks í Evrópu í dag og tónlistin og framsetning hennar er skipulögð af mikilsmetnum nútíma djass tónskáldum en í Íslandsförinni er það Jere Laukkanen sem mun stýra sveitinni.

Hljómsveitarstjórinn Jere Laukkanen

Jere Laukkanen á langan og fjölbreyttan starfsferil að baki en er þekktastur fyrir verk sem sameina nútíma djass og afró-kúbanskan ryþma. Auk þess er hann eftirsóttur útsetjari, tónskáld og hljómsveitarstjóri. Laukkanen hefur skrifað fyrir allar stærstu sjónvarpsstöðvar Finnlands sem og fyrir fjölda hljómsveita, en þar má helst nefna European Jazz Orchestra, UMO Jazz Orchestra, Vantaa Pops Orchestra og auðvitað hans eigin hljómsveit Jere Laukkanen Afro-Cuban Jazz Orchestra.

Stórsveit Reykjavíkur er Íslendingum af góðu kunn en hún hefur fengið afbragðs dóma gagnrýnenda fyrir leik sinn og hlaut Íslensku tónlistarverðlaunin 2005 sem jazz flytjandi ársins og 2011 fyrir jazzplötu ársins, HAK.

Stórsveit Reykjavíkur mun leika nýja og nýlega tónlist sem samin hefur verið sérstaklega fyrir hljómsveitina. Annarsvegar verða flutt verk eftir Agnar Má Magnússon, Hilmar Jensson og Kjartan Valdemarsson af verðlaunaplötu sveitarinnar; HAK. Hinsvegar verður flutt svíta finnska tónskáldsins Eero Koivistoinen Tvísöngur, en hún byggir á íslenskum þjóðlagastefjum.

Stórsveit Reykjavíkur nýtur stuðnings Reykjavíkurborgar og Tónlistarsjóðs.

Í tilefni af Evrópudeginum 9. maí skipuleggur Evrópustofa viðburðaríka Evrópuviku.
Evrópuvikunni lýkur með stórtónleikum í Eldborgarsal Hörpu, sunnudaginn 13. maí þegar hinar frábæru hljómsveitir European Jazz Orchestra og Stórsveit Reykjavíkur stíga á svið. Ókeypis aðgangur en bóka þarf miða á Harpa.is

Ráðstefnuborgin Reykjavík stofnuð 27. janúar 2012

Í dag tóku höndum saman Reykjavíkurborg, Icelandair Group og Harpa tónlistar- og ráðstefnuhús og mynduðu kjölfestu fyrir nýjan samstarfsvettvang um markaðssetningu á Reykjavík sem alþjóðlegri ráðstefnu- og viðburðaborg.

27. jan. 2012

Í dag tóku höndum saman Reykjavíkurborg, Icelandair Group og Harpa tónlistar- og ráðstefnuhús og mynduðu kjölfestu fyrir nýjan samstarfsvettvang um markaðssetningu á Reykjavík sem alþjóðlegri ráðstefnu- og viðburðaborg, en samtals eru stofnaðilar 15 talsins. Samstarfsvettvangurinn ber heitið Ráðstefnuborgin Reykjavík og er kjölfestufjármagn 95 milljónir. Stefnt er að því að öll helstu ferðaþjónustufyrirtæki á höfuðborgarsvæðinu verði aðilar að samstarfinu og að innan þriggja ára nemi framlög atvinnulífsins tvöföldu framlagi Reykjavíkurborgar.

Ferðaþjónusta tengd ráðstefnum, fundum og alþjóðlegum viðburðum af ýmsu tagi er eitt mikilvægasta sóknarfæri Reykjavíkur á næstu árum. Tónlistar- og ráðstefnuhúsið Harpa og önnur fjárfesting í borginni sem styður við ráðstefnuhald og þjónustu við ferðamenn bjóða upp á dýrmæt tækifæri sem brýnt er að nýta sem best. Mikilvægt er að leggja meiri áherslu á markaðssetningu Reykjavíkur sem ráðstefnu- og viðburðaborgar og ná þannig áhugaverðum alþjóðlegum viðburðum til borgarinnar.

Samkvæmt rannsóknum annarra ráðstefnuborga eru gestir sem tilheyra hópi MICE ferðamanna (Meetings, Incentives, Conventions, Events) afar verðmætir þar sem þeirra heimsóknir dreifast yfir allt árið, ekki síst vetrartímann, og þeir verja meira fjármagni í sínum heimsóknum en hinn hefðbundni ferðamaður.

Ráðstefnuborgin Reykjavík er eitt af forgangsverkefnum ferðamálastefnu Reykjavíkurborgar, Styrkum stoðum, 2011 – 2020 sem samþykkt var í byrjun árs 2011.

Meðal markmiða sem Ráðstefnuborgin Reykjavík setur sér að ná innan þriggja ára eru:

- Að árleg fjölgun ráðstefnu- og viðburðagesta til landsins verði 20%

- Að árlegur tekjuauki vegna vaxtar í greininni verði að lágmarki milljarður

- Að alþjóðlegar ráðstefnur í Reykjavík verði a.m.k. 30 á ári

Í dag tóku höndum saman Reykjavíkurborg, Icelandair Group og Harpa tónlistar- og ráðstefnuhús og mynduðu kjölfestu fyrir nýjan samstarfsvettvang um markaðssetningu á Reykjavík sem alþjóðlegri ráðstefnu- og viðburðaborg, en samtals eru stofnaðilar 15 talsins.

Við hvetjum til samstarfs og erum tilbúnar í slaginn!

Fyrirtækið Athygli ráðstefnur er rekið af þeim, Birnu Berndsen og Þórunni Dögg Árnadóttur sem báðar hafa langa starfsreynslu á sviði

skipulagningar og reksturs ráðstefna, funda og viðburða. „Við stóðum báðar á tímamótum og huga þurfti að framtíðinni, þá kom eiginlega

ekkert annað til greina en að ráðast í að stofna fyrirtæki þar sem við gætum starfað við það sem okkur finnst skemmtilegast“. Aðspurðar segja

þær að starfið sé lifandi og fjölbreytt og það séu forréttindi að fá tækifæri til að vinna með öllu þessu ólíka fólki úr mörgum og mismunandi

fagstéttum samfélagsins. „Ekkert verkefni eða atburður er eins sniðinn, sem gerir starfið einnig sérstaklega sjarmerandi, við þurfum alltaf að

vera á tánum þar sem hvert smáatriði skiptir máli.“

Nú líður að eins árs afmæli Athygli ráðstefna og í nógu að snúast. „Við getum ekki annað en verið ánægðar með verkefnastöðuna og erum

nú þegar byrjaðar að skipuleggja ráðstefnur sem verða haldnar 2013 og 2014“. Fyrirtæki og stofnanir eru vel vakandi fyrir mikilvægi þess að

viðhalda framþróun og þekkingu með því að hittast og eiga samskipti við kollega sína og viðskiptavini. „Við hvetjum alla sem eru í þeim

hugleiðingum að halda ráðstefnu eða fund að hafa samband og kynna sér þjónustu okkar. Þegar á heildina er litið er best fyrir fyrirtæki og

stofnanir að leggja allt utanumhald í í hendur sérhæfðrar ráðstefnuþjónustu. Það er í mörg horn að líta og þegar upp er staðið sparar

gestgjafinn lítið eða ekkert á þvi að ætla að gera hlutina sjálfur, það hefur reynslan að minnsta kosti sýnt fram á. Við höldum utan um allt

skipulag , frá skráningu gesta, samskiptum við birgja og þjónustuaðila og yfir í að gæta að hverju smáatriði með það að markmiði að gera

hvert verkefni eftirminnilegt”.

Okkar vinna byggist á samstarfi, við stöndum ekki einar og það er eitt af því sem gerir starfið okkar áhugavert og heildina sterkari. Það eru

margir rekstraraðilar sem koma að hverju verkefni og mikilvægt fyrir ráðstefnuþjónustur að geta stólað hundrað prósent á þá sem unnið er

með þegar kemur til dæmis að fundaraðstöðu, gistingu, akstri, hátíðarkvöldverði, prentun og blómaskreytingum. „Við vinnum stöðugt að því

að bæta alla þá þætti sem á endanum leiða til þess að viðkomandi viðburður heppnist fullkomlega, ef hlutirnir ganga upp þá myndast gott

andrúmsloft sem fylgir gestunum þegar þeir kveðja og það er klárlega markmiðið.”

Fyrirtækið Athygli ráðstefnur er rekið af þeim, Birnu Berndsen og Þórunni Dögg Árnadóttur sem báðar hafa langa starfsreynslu á sviði skipulagningar og reksturs ráðstefna, funda og viðburða. „Við stóðum báðar á tímamótum og huga þurfti að framtíðinni, þá kom eiginlega ekkert annað til greina en að ráðast í að stofna fyrirtæki þar sem við gætum starfað við það sem okkur finnst skemmtilegast“. Aðspurðar segja þær að starfið sé lifandi og fjölbreytt og það séu forréttindi að fá tækifæri til að vinna með öllu þessu ólíka fólki úr mörgum og mismunandi fagstéttum samfélagsins. „Ekkert verkefni eða atburður er eins sniðinn, sem gerir starfið einnig sérstaklega sjarmerandi, við þurfum alltaf að vera á tánum þar sem hvert smáatriði skiptir máli.

Evrópuhátíð – Ókeypis tónleikar með European Jazz Orchestra og Stórsveit Reykjavíkur 13. maí

Ráðstefnuborgin Reykjavík stofnuð 27. janúar 2012

Við hvetjum til samstarfs og erum tilbúnar í slaginn!

News Archives

News from Athygli.is